婚禮想想做得有聲有色、畢生難忘；還是想簡簡單單招呼自己好朋友？無論你想點攪，都會面對請邊位出席，唔請邊位出席呢個困擾人嘅問題。

1)邀請同事出席
大家都想請好朋友出席你嘅Big Day。但係舊同學、舊朋友中，請阿A和阿B，唔想請阿C，但請了阿B，阿C實會知，點算？
請公司同事就更複雜。公司細，無乜同事，你唔想個個請。公司人多，同部門嘅同事，係唔係個個請？上司、上司嗰上司又請唔請？下屬又請唔請？隔離部門又好老友嘅同事又請唔請？

理想是請好朋友出席，現實喺要考慮人情細故。分開邀請出席註冊及晚宴，係其中一個折衷嘅辦法。

2)結婚應該公告天下
如果你係一位有實力的年輕人，有時唔好自視過低。我有一個親身經歷，大老闆有心臟病，通波仔後半年多，都沒有出席晚間嘅應酬活動。有一位同事準備結婚，原本只係禮貌上通知大老闆一聲，然後講：知你身體唔好，要多休息，所以……。點知都未講出口，大老闆即刻話「你結婚，我一定到……不過我要早啲走……」結果邀請嘅同事即刻唔同晒，而且個個都俾面出席，無人臨時有約要甩底。

當然，任何人都唔好自視過高。因為，你嘅婚禮，係對朋友重新認識嘅時刻。唔係你介意人情嘅多少，而係人哋介意收到你嘅邀請。唔信，試過你就知！

不過點都好，結婚係一個值得高興嘅日子，與其收埋唔比人知，不如公諸天下，等全世界都知。同事太多，確實請唔晒，你可以請同事食朱古力或小食。也可以講地方有限，未能邀請所有人出席，希望對方唔好介意，咁就大方得體。朋友到唔到，唔係你控制到，所以唔好煩惱。

3)唔邀請同事之餘又唔失禮?
婚禮唔係人人都會大攪，唔能夠個個同事都請，點樣Show比人知你結婚之餘，輸人又唔會輸個陣？當然喺做個結婚專頁，等人羨慕下，等全公司嘅Whatsapp群組，朋友嘅群組，都係講緊你嘅人生大事，講緊你最美的一刻。